Aprobación Definitiva do PXOM de Oímbra (Ourense)

22/09/2016-Xunta de Galicia

  • Ata agora, a localidade carecía de planeamento e rexíase polas normas complementarias e subsidiarias provinciais, que datan do 1992
  • Entre outros avances, o PXOM contempla unha nova zona verde e a mellora das infraestruturas viarias
  • Prevé un crecemento sustentable que permita absorber os posibles aumentos de poboación dentro dun marco ordenado

casa_concello_OimbraA Consellería de Medio Ambiente e Ordenación do Territorio vén de outorgar a aprobación definitiva ao Plan Xeral de Ordenación Municipal (PXOM) de Oímbra. Trátase dun importante avance para o concello, que ata o momento carecía de planeamento propio e rexíase polas Normas complementarias e subsidiarias provinciais de Ourense de 1992.

A titular do departamento autonómico, Beatriz Mato, asinou hoxe a orde de aprobación definitiva deste instrumento de ordenación no transcurso dunha xuntanza coa alcaldesa da localidade, Ana María Villarino.

A conselleira destacou, entre outros avances, que o planeamento pon en valor o patrimonio arquitectónico e natural do concello, ao tempo que contrarresta o déficit de espazos públicos nos núcleos rurais. Así, por exemplo, contempla unha nova zona verde no entorno de Oímbra e mellora as infraestruturas viarias deste núcleo a través da ampliación de beirarrúas; do ensanche e pavimentación do sistema viario; do reforzo da EDAR que dá servizo aos núcleos de Oímbra e O Rosal; e da mellora das redes de saneamento e depuración.

Ademais, o novo PXOM –no que a Xunta colaborou con case 80.000 euros- recoñece e protexe os valores ambientais do concello, entre os que cabe destacar o espazo que conforma o río Támega, integrado na Rede Natura 2000 e na rede galega de espazos protexidos.

Outro dos puntos relevantes do novo planeamento, segundo detallou Mato, é que fomenta o mantemento das actividades económicas, establecendo unha reserva de solo de carácter empresarial que mantén o ámbito recollido no plan especial aprobado en 2012 polo concello.

En canto á clasificación do solo, o planeamento delimita 11 núcleos rurais e cualifica todos eles como histórico-tradicionais, agás o de Terrón, que está considerado como núcleo común. O PXOM prevé, ademais, un Plan especial de ordenación no núcleo rural de Oímbra para acoller a construción de vivenda protexida, para o que delimita unha actuación integral de 9.011 metros cadrados ao leste, xunto ao colexio.

En calquera caso, o planeamento está configurado de xeito que poida absorber un posible crecemento da poboación, sempre dentro dun marco ordenado e sostible. Actualmente, existen 1.253 vivendas en solo de núcleo rural. A ordenación prevista permitiría acoller, no horizonte temporal do Plan, ata 925 novas vivendas.

Pola súa banda, o resto da superficie municipal quedaría protexida, xa que o PXOM clasifica máis de 9.000 hectáreas como solo rústico de especial protección, dentro do que se diferencia entre cada unha das súas categorías en función dos valores naturais de cada zona.

Xa para rematar, Mato considerou “moi positivo” que o concello conte cun PXOM, e explicou que o Goberno galego está a apostar firmemente por promover estas ferramentas. Así, en 2009, había 33 concellos cun PXOM actualizado, e agora –incluíndo o de Oímbra, e o das Nogais, tamén asinado hoxe – xa son 91.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s